Asociación Teatral Paso de Valverde

A Asociación Teatral Paso de Valverde foi creada en 2006 por Paulo Serantes, Xavier Ramilo e Antuán Iglesias como un grupo de traballo, un espazo de investigación e búsqueda do feito teatral no que prime o traballo físico e vocal do actor. Un lugar de experimentación, de confrontación con outras formas artísticas, de reflexión e aprendizaxe da práctica escénica.

As principais vías nas que Paso de Valverde traballa son: creación, investigación e formación, as tres abordadas coa firmeza de quen pretende brincar como fan os nenos: con toda a seriedade. A asociación desenvolve un traballo de investigación baseado na proxección do corpo e da voz no espazo e que recibe influencias de diversos mestres de todo o mundo para sintetizar a sua proposta persoal e aprofundar nela grazas a un traballo constante de investigación teatral sen fin, pois a meta final é o horizonte.

O circo está cheio de ilusión e de máxia: Pallasos! Equilibristas! Trapecistas! A grande carpa de cores provoca ledicia en pequechos e grandes. Mas hai un rapaz que gosta especialmente do circo: Chukiño. Cando escoita falar dos tragalumes, fica pampo. E rí até mexar por sí cando lle contan sobre os pallasos.

Un día Chukiño descobre que o Circo dos fabulosos Fratelli Fratellini actuará na vila. Unha velada de misterio, máxia e marabillas. Un espectáculo único! Chukiño non dubida e, despois de avisar aos amigos, vai correndo á carpa para coller sitio. Mais os tempos non son doados e a actuación corre o risco de ser cancelada...

Agradecementos:

Tania Galán

Jose León

Concello de Arteixo

ADEUS KANTOR

Conferencia-Espectáculo sobre a Arte do Actor

A ATPdV quere rendir homenaxe a un dos grandes homes do teatro: TADEUSZ KANTOR.

E querémolo facer ao xeito del: dirixindo aos actores diante do público como se dun ensaio se tratase.

En ADEUS KANTOR mostraremos o traballo interno que realizamos na ATPdV:

Un mestre e uns alumnos van encontrando ferramentas dentro de sí própios

para construír unha dramaturxia corporal fuxindo de caer na psicoloxia e no

“servilismo que o teatro practica respecto á literatura".

Neste espectáculo o público poderá achegarse ao teatro por dentro e vivir o proceso de creación actoral,

o teatro en estado puro, unindose así o teatral co pedagóxico.

"Só a través dunha autonomía teatral alleia á ilustración do texto

e á reprodución do cotidiano poderemos achegarnos a unha realidade total".

ADEUS KANTOR, está destinado a todo tipo de públicos,

tanto xuvenís como adultos, relacionados co teatro ou non.

Un espectáculo que non precisa un espazo teatral convencional para a sua representación,

podendo convertir ximnasios, aulas, salóns ou calquer outro en “espazos achados”

transformados en palcos de teatro.

Agradecementos:

Jose León

Concello de Arteixo

A Asociación Teatral Paso de Valverde ofrece un curso anual de formación teatral para actores ou persoas que queiran adentrarse no mundo do teatro, traballando unha preparación corporal e vocal analítica dirixida á expresión, poñendo en xogo e por separado cada parte do corpo, aproveitando o contido dramático de cada unha delas.

A Asociación Teatral Paso de Valverde nace da unión de tres actores galegos con interese na investigación e a descoberta teatral, despois dunha longa formación europeia, impulsando un teatro moderno que liga o noso país coas máis recentes teses teatrais.

O obxectivo principal é que os futuros actores e actrices sexan capaces de utilizar os seus propios recursos e acadar a plenitude da voz e do movimento xusto, sen que o seu corpo faga máis da conta, sen contaminar o que se quere transmitir, baseando o traballo nunha ximnasia dramática na que cada xesto, actitude ou movimento está xustificado.

A búsqueda realizarase a través de diferentes técnicas de movimento, improvisación e creación.

Traballarase a partir da respiración, a relaxación, o contacto co chan, o corpo e o espazo.

PROGRAMA:

Presencia física e vocal do actor

Relación entre corpo e voz

O espazo escénico

Relación entre corpo e espazo

Ritmo, movemento e voz

Análise do xesto e do movimento

Xogo Dramático

Improvisación

Inscripcións:

607 564 038

ateatral.escola@gmail.com

Horario: Martes e Xoves de 20h a 22h